ສັງຄົມແຫ່ງການແບ່ງປັນ ແລະ ມິດຕະພາບທີ່ດີຕະຫຼອດໄປ

ໄມເຄິລ ແຈ໊ຄສັນ 1958-2009

ໄມເຄິລ ແຈ໊ຄສັນ ນັກຮ້ອງຊື່ດັງຂອງວົງການດົນຕີໂລກ ໄດ້ເສຍຊີວິດແລ້ວ ດ້ວຍອາຍຸ 50 ປີ ທີ່ລອສ ແອງເຈລິສ ເມື່ອຕອນບ່າຍຂອງວັນພະຫັດທີ່ຜ່ານມາ ຈາກການເປິດເຜຍຂອງ TMZ ແລະ ໜັງສືພິມ latimes.com

ໄມເຄິລ ເກີດອາການຫົວໃຈວາຍໃນຕອນບ່າຍຂອງວານນີ້ ທີ່ບ້ານພັກຂອງເຂົາທີ່ ຊຶ່ງມີທີມແພດໝໍແຕ່ບໍ່ສາມາດຊ່ວຍຊີວິດຂອງເຂົາເອົາໄວ້ໄດ້ ຊຶ່ງຕອນທີ່ທິມແພດໝໍໄປເຖິງບ່ອນເກີດເຫດ Holmby Hillsໄມເຄິລກໍ່ສິ້ນລົມຫາຍໃຈໄປແລ້ວ ແຕ່ທິມແພດໝໍກໍ່ບໍ່ສາມາດນຳລົມຫາຍໃຈຂອງເຂົາກັບຄືນມາໄດ້

ແຫຼ່ງຂ່າວເປິດເຜີຍວ່າ: ໄມເຄິລເສຍຊີວິດຕັ້ງແຕ່ຖືກນຳສົ່ງຕົວມາຮອດທີ່ໂຮງໝໍ ເຊິ່ງທາງທີມແພດໝໍໂຣກຫົວໃຈທີ່ໂຮງໝໍ ເຜີຍສາເຫດການເສີຍຊີວິດມາຈາກຫົວໃຈວາຍ

ເຖິງແມ່ນວ່າທີມແພດທີ່ໂຮງໝໍຈະພະຍາຍາມຍື້ຊີວິດຂອງໄມເຄິລກັບມາເປັນຄັ້ງທີສອງ ແຕ່ກໍ່ບໍ່ປະສົບຄວາມສຳເລັດອີກໄດ້

ລາໂທຍາ ເອື້ອຍຂອງໄມເຄິລໄດ້ແລ່ນຮ້ອງໄຫ້ເຂົ້າໄປໃນໂຮງໝໍ ເມື່ອຮູ້ວ່ານ້ອງຊາຍຄົນດັງຂອງຕົນໄດ້ເສຍຊີວິດແລ້ວ

ໄມເຄິລມີທາຍາດໄວ້ເບິ່ງຕ່າງໜ້າ 3 ຄົນ ຄື: ໄມເຄິລ ໂຈເຊຟ ແຈ໊ກສັນ,​ປາຮິສ ໄມເຄິລ ແຄເທີຣີນ ແຈ໊ຄສັນ ແລະ ພຣິນ ໄມເຄິລ ແຈ໊ຄສັນ ທີ່ສອງ

ທາງດ້ານ ໄມເຄິລ ເລວິນ ອະດິດປະຊາສຳພັນຂອງໄມເຄິລອອກຖະແຫຼງການລ່າສຸດມາວ່າເຂົາບໍ່ຮູ້ສຶກແປກໃຈເລີຍ ວ່າຂ່າວໂສກເສົ້າຂອງວົງການເພງຄັ້ງນີ້ຈະມາເຖິງໄວກວ່າທີ່ຫຼາຍໆ ຄົນຄາດເດົາ

ໃນຖານະຄົນທີ່ເຮັດໜ້າເປັນປະຊາສຳພັນໃຫ້ກັບໄມເຄິລ ແຈ໊ຄສັນມາຕັ້ງແຕ່ຄະດີລະເມິດທາງເພດເຍົາວະຊົນຄັ້ງທີ່ໜື່ງ ຕົນຂໍເປິດໃຈວ່າ: ຕົນບໍ່ປະຫຼາດໃຈຕໍ່ການຈາກໄປໃນວັນນີ້ເລີຍ

ໄມເຄິລຕ້ອງພົບກັບບັນຫາຍາກລຳບາກທີ່ເກີນກວ່າໃຜຈະເຊື່ອ ແລະ ພາຕົວເອງເຂົ້າສູ່ເສັ້ນທາງທຳລາຍຕົວເອງ ມາເປັນປີໆ ຄວາມສາມາດຂອງເຂົາໄຮ້ຂໍສົງໄສ ແຕ່ມັນກໍ່ແລກມາດ້ວຍຄວາມແປກແຍກຂອງເຂົາຈາກວິຖີຂອງຊາວ ໂລກທົ່ວໄປ.

ຄົນທຳມະດາບໍ່ສາມາດທົນຮັບຕໍ່ລະດັບຄວາມເຄັ່ງຄຽດທີ່ຍາວນານແບບນີ້ໄດ້.